مہر خبررساں ایجنسی کی رپورٹ کے مطابق، عمانی بادشاہ کے دورۂ تہران کے موقع پر ایرانی قائم مقام وزیر برائے سیکورٹی امور سید مہدی نیازی نے عمانی وزرائے تجارت اور صنعت سے ملاقات کی۔
واضح رہے کہ ایرانی سیکیورٹی وزیر اور عمان کے وزیر تجارت دونوں ممالک کے مشترکہ کمیشن کے سربراہ ہیں۔
دونوں وزراء نے اس ملاقات میں، عمانی بادشاہ اور اسلامی جمہوریہ ایران کے صدر کے درمیان دستخط ہونے والی مفاہمتی دستاویزات پر اطمینان کا اظہار کرتے ہوئے ان مفاہمتی دستاویزات پر عمل کرنے کیلئے منصوبہ بندی کی ضرورت پر زور دیا اور دونوں ممالک کے مشترکہ کمیشن کا 20 واں اجلاس آئندہ تین ماہ کے اندر ایران میں منعقد کرنے پر اتفاق کیا۔
دونوں رہنماؤں نے اس ملاقات میں، مشترکہ کمیشن کے اجلاس کے انعقاد سے قبل تکنیکی کمیٹیوں کی تشکیل اور دونوں ممالک کے درمیان تجارتی محصولات سمیت مختلف شعبوں میں تجربات کی منتقلی کے ساتھ تجارت سے متعلق زیر غور منصوبوں پر عملدرآمد کیلئے تبادلہ خیال کیا۔
اس ملاقات میں، ایران سے عمان کو گاڑیوں کی برآمدات، ایران کے سی ای او اور عمان کے نجی شعبوں کے درمیان دیگر کئی منڈیوں میں دوبارہ برآمدات میں تعاون بڑھانے کی ایک یادداشت پر دستخط کئے گئے ہیں۔
آپ کا تبصرہ